夢見落雨！
- Dr. Canis Lin
- Mar 8
- 2 min read
Updated: Mar 14
夢者Dora （化名）的夢是這樣的：
我去髮型屋想剪一個新髮型，但太多人，要等一些時間，於是我去了一個商場逛逛。當我閒逛完離開商場時，發現室外下著雨，我馬上打開雨遮，卻發現雨遮有半邊的“遮骨”歪了，完全撐不起成為一把遮，我“嘩”咗一聲，就醒了！
Canis：夢裡面把遮係點樣㗎？
Dora：係一把粉紅色我好鍾意的Care Bear的遮！
Canis：當你發現把遮打開唔到，您有咩感覺？
Dora：我好驚訝囉！仲以為有把遮可以擋雨，點知原來撐唔起！
Canis：如果呢個夢係我發的話，我會想了解一下最近有無一些情況令我覺得唔開心（夢中落雨的其中一個可能的象徵），我以為撐得住，但原來已經開始撐唔住，需要好好的照顧一下自己的感受（夢中把遮係Care Bear！Care ～照顧 versus Bear 熊仔的相關語 忍受（撐住））如果呢個夢係我發的話，我覺得唔好再硬撐了！我要開始好好照顧我的情緒！
Dora：Oh！我突然醒起一個月前，大時大節的前夕，個個同事都提早放工，公司得我一個做到好夜，突然收到朋友的message，我一路睇，一路覺得自己好lonely，就響公司喊咗出來！我以為而家已經無事！
Canis：似乎您的孤單感需要您的照顧啊！
Dora：唉！最近公司有好多變動，好多相熟的同事走咗，我突然好似孤軍作戰咁！要獨自面對公司既變動！我嘗試叫自己“唔好稔咁多”，同自己打氣“要撐住呀！”但係都好似仲係好憂慮咁！
Canis：盲目正面（硬撐）其實並不是照顧情緒的好方法！我們都總有軟弱的時候，接納自己有軟弱的時候，在安全的環境下，好好陪伴一下這些情緒，不批判，只需要帶著愛 (夢中把遮係粉紅色，可以象徵愛!) 去陪伴，就好似無條件地去呵護一個小寶寶一樣，您會感受到這些情緒會來也會走的。
一個星期後，Dora分享在睡前俾小小時間去Care自己，容許自己喊出黎，內心感覺輕鬆咗，多了一份平安去面對未知的未來！
解夢秘笈：
落雨未必一定是象徵“唔開心/傷感”，也可以是一種“清洗/淨化”或者聯繫到夢者一些下雨天的回憶，最重要是看看整個夢境的setting，再跟夢者互動地問一些Open-ended questions，從而啟發夢者的內在探索；
夢境也很喜歡以相關語/食字/諧音來表達信息！Dora這個夢的Care Bear就是一個很好的例子！Bear 可以有兩個意思（相關語）熊仔 versus 忍受，潛意識的智慧用字選擇，實在令人讚嘆！而Bear(忍受) 亦能更流暢地帶出夢中“撐不起”(unbearable)的雨遮；
新髮型可以象徵新形象(容格心理學原型的人格面具Persona)，也可以象徵新思維，當然還有其他的可能性！夢中剪新髮型需要等待，就像在溫馨提示夢者，要改變思維也需要一些時間啊！
*如果您覺得呢個post幫到您和身邊朋友，歡迎您like n share俾更多有需要的人啊！Thank you! ❤️
Comments